Os encoros galegos están a pouco máis do 50% a pesar das chuvias da última semana

A reserva dos encoros galegos reduciuse lixeiramente na última semana ata situarse este martes no 55,7% da súa capacidade total. En concreto, conteñen 2.068 hectómetros cúbicos de auga tras perder seis en sete días.

De acordo con datos feitos públicos polo Ministerio para a Transición Ecolóxica e o Reto Demográfico, a conca Miño-Sil mantense estable cos mesmos 440 hectómetros cúbicos de auga, o 64,3% do seu máximo.

No tocante á conca Galicia Costa, contén este martes 1.628 hectómetros cúbicos --seis menos que hai unha semana--, polo que a súa capacidade total baixou lixeiramente, ata o 53,7%.

Encoro do Eume | Fonte: Colectivo Terra