Naturgy ofrece aprazar as facturas a 20.000 negocios galegos para mitigar a crise
Os interesados poderán rexistrar, a partir do 16 de novembro e a través da web www.naturgy.es, a petición para o adiamento das facturas emitidas desde a data de solicitude ata o 31 de xaneiro do 2021.
Por E.P. | SANTIAGO DE COMPOSTELA | 12/11/2020 | Actualizada ás 17:30
Naturgy aprazará e financiará as facturas de luz e gas para os clientes que así o soliciten (pemes e autónomos galegos) naqueles sectores que visen mermada a súa actividade polas restricións da covid-19. Estima que os beneficiarios poden alcanzar un total de 20.000.
A empresa enerxética sinalou nun comunicado que, aínda que o sector máis beneficiado por esta medida será o da hostalaría e a restauración, outros como o das artes escénicas e musicais, equipamentos deportivos ou centros de estética, poderán solicitala tamén.
Os interesados poderán rexistrar, a partir do 16 de novembro e a través da web www.naturgy.es, a petición para o adiamento das facturas emitidas desde a data de solicitude ata o 31 de xaneiro do 2021.
Naturgy indicou que aprazará o pago destas facturas durante eses meses e financiará os pagos dos seus clientes sen intereses ydurante 12 meses a partir do mes de febreiro 2021.
Esta iniciativa, de apoio económico e social, xa se activou durante a primeira onda da pandemia. A este respecto, o presidente de Naturgy, Francisco Reynés, subliña: "Asistimos a unha segunda onda da pandemia que afecta unha vez máis ás economías domésticas. Reactivar a nosa iniciativa permitirá a pemes e autónomos xestionar a súa liquidez a medioplazo e que poidan soportar este período".
