Por Europa Press / Redacción | Santiago de Compostela | 13/11/2020 | Actualizada ás 16:14
O cribado a máis de 5.500 veciños da localidade coruñesa de Ribeira arrincou con 910 participantes, un 63 por cento de asistencia, na primeira xornada --xoves--.
Así o informou este venres a área sanitaria de Santiago e Barbanza, que explicou que no cómputo total do xoves 12 de novembro acudiron a participa nas probas do cribado 910 pacientes, o que supón unha asistencia do 63,32 por cento.
As mesmas fontes puntualizaron que os resultados do cribado coñeceranse cando estea terminada "toda a mostra", que se desenvolverá ata este domingo pola tarde.
Este cribado do Sergas en Ribeira abarca a máis de 5.500 veciños de entre 40 e 50 anos ante o incremento de casos e "a imposibilidade de seguir a cadea epidemiolóxica en moitos deles".
Os citados recibirán un SMS coa hora e lugar, que será na lonxa nova no porto de Ribeira. O acceso é peonil e non se recomenda ir en coche. Deste xeito, tomaranse mostras nasofarinxeas para realizar PCR, que serán analizadas a través da técnica de 'pooling'.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.