Seis mortos máis nas últimas horas, tres deles usuarios de residencias
Xa son 1.062 o número total de mortes por COVID en Galicia desde o comezo da pandemia.
Por Galicia Confidencial | Santiago de Compostela | 14/11/2020 | Actualizada ás 23:11
Galicia rexistrou nas últimas horas seis falecidos máis con coronavirus, de forma que o total de vítimas desde o inicio da pandemia ascende ata 1.062 en Galicia.
As seis persoas falecidas pacedían patoloxías previas segundo fontes do Sergas. En concreto unha das vítimas tiña 77 anos e estaba ingresado no Chuf de Ferrol. Un segundo falecido rexistrouse no CHUAC da Coruña, un home de 83 anos.
No CHUS de Santiago rexistráronse dúas mortes. O primeiro foi un home de 66 anos. A segunda, unha muller de 88 anos que procedía da residencia de Santa Olalla de Boqueixón.
A dúas últimas vítimas rexistráronse na residencia Nosa Señora dos Miragres de Barbadás. Eran un home de 83 anos e unha muller de 89.
