Por E.P. | SANTIAGO DE COMPOSTELA | 15/11/2020 | Actualizada ás 19:30
O grupo do BNG no Parlamento de Galicia instou ao Goberno autonómico a volver decretar a redución de aforamento no transporte público e, en compensación, aumentar en frecuencias para facilitar que as persoas poidan manter a distancia de seguridade en aras de reducir contagios.
O deputado nacionalista Iago Tabarés cuestionará á Xunta sobre a regresión da orde que reducía os aforamentos no transporte de viaxeiros e pregunta se "existe algún criterio médico" que apoie que o virus se transmite en menor grao neste tipo de vehículos.
O parlamentario, segundo recolle un comunicado emitido polo Bloque, pregunta expresamente pola situación en Ourense e apela á Administración autonómica a aclarar se a situación epidemiolóxica na Cidade das Burgas "aconsella relaxar" estas medidas de prevención.
Así as cousas, o grupo nacionalista reclama á Xunta que leve a cabo "as xestións que procedan" para aumentar as frecuencias e prazas en transpore colectivo, tanto en percorridos urbanos como interurbanos, que circulen na cidade de Ourense.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.