Por E.P. | SANTIAGO DE COMPOSTELA | 15/11/2020 | Actualizada ás 19:36
Unha muller resultou ferida na Estrada ao precipitarse co vehículo que conducía por un desnivel de catro metros.
Diso informou o CIAE 112 Galicia, que tivo coñecemento do sinistro a través dunha chamada telefónica ao fío das 15,00 horas da tarde.
O accidente produciuse no aparcadoiro da igrexa de San Xiao de Vexa, onde a condutora caeu co seu coche por un desnivel de 4 metros.
Debido á posición na que quedou o vehículo, a ferida necesitou axuda para abandonar o interior do coche, aínda que os servizos de emerxencia non necesitaron usar os equipos de excarceración.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.