Por Europa Press / Redacción | Santiago de Compostela | 15/11/2020 | Actualizada ás 21:12
A semana pecha con 81 vítimas pola Covid. Outra cifra récord dunha pandemia que parece empeorar. Nas últimas 24 horas faleceron sete persoas que se suman ás seis do sábado. Durante a semana houbo 21 mortos o luns, 15 o martes e mércores, sete o xoves e dez o venres. En total, desde o inicio da epidemia son xa 1.069 os mortos.
As persoas falecidas durante as últimas horas por COVID en Galicia son sete, delas, seis procedían de residencias de maiores.
Así, dúas mulleres, unha de 89 anos e outra de 90, falecían no CHUF de Ferrol. Ambas as dúas procedían da Residencia As Virtudes de Pontedeume. Tamén falecía no hospital ferrolán outra muller de 97 anos procedente da residencia San José de Narón.
Outra muller de 95 anos morría no Hospital do Salnés. Procedía da Residencia DomusVi de Ribadumia. No CHUO de Ourense de novo morría outra muller de 85 anos, procedente da Residencia Nosa Señora dos Miragres de Barbadás.
Por último, faleceron dous homes un na área de Ourense e outro na de Lugo. O primeiro tiña 94 anos e morreu no seu domicilio. O segundo de 93 anos, faleceu no HULA de Lugo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.