Aumentan a 14 os sanitarios contaxiados no Hospital Arquitecto Marcide de Ferrol
A presión asistencial provocou este brote, que mantén en corentena a enfermeiras, auxiliares de enfermaría e algunha limpadora.
- Detectan 10 positivos entre os sanitarios da área COVID no Hospital Arquitecto Marcide de Ferrol
- Denuncias de colapsos de pacientes Covid nas UCI, mentres aumentan o número de hospitalizados
Por Europa Press / Redacción | Ferrol | 16/11/2020 | Actualizada ás 12:19
O brote detectado na sétima planta do Hospital Arquitecto Marcide de Ferrol, dedicada aos pacientes afectados por coronavirus, aumentou dos 10 ata os 14 casos. Segundo a información á que tivo acceso Europa Press, entre os casos activos de Covid inclúense profesionais de enfermaría, auxiliares e limpadoras.
Tras detectarse o brote fixéronse probas PCR a todos os profesionais, tras as que todos os positivos permanecen en corentena e foron substituídos por outros para que a planta poida seguir traballando con normalidade.
PRESIÓN ASISTENCIAL
Segundo as fontes consultadas, as enfermeiras e auxiliares pasan cada vez máis tempo dentro das habitacións dos pacientes hospitalizados por Covid-19 debido ao aumento da presión asistencial e a complicación dos casos. Este luns, 16 de novembro, segundo os datos actualizados polo Sergas, ascenden a 61 as persoas hospitalizadas no Complexo Hospitalario Universitario de Ferrol (CHUF), das que 50 permanecen en planta e os 11 restantes en Unidade de Coidados Intensivos (UCI).
