Por E.P. | SANTIAGO DE COMPOSTELA | 19/11/2020 | Actualizada ás 17:49
Axentes do grupo da Unidade de Delincuencia Especializada e Violencia da Policía Nacional de Ourense detiveron a mañá do 18 de novembro a 3 mozos --un deles de 18 anos e natural de Ourense e os outros dous da República Dominicana, de 23 e 18 anos, constándolle a este unha denuncia previa-- por delitos de lesións, e a unha moza, acusada dun delito leve de lesións contra unha parella.
Tras pasar a disposición xudicial, os catro quedaron en liberdade cunha orde de afastamento para unha das vítimas. Segundo informou a policía nun comunicado, os feitos tiveron lugar a noite do 26 de outubro cando unha moza, que se atopaba nun bar do centro da cidade coa súa parella, saúda a un amigo sentado nun portal próximo. Nese momento chega un grupo de mozos que comeza a insultar ao seu amigo, especialmente a moza do grupo.
A outra rapaza tenta mediar e falar con ela, momento no que a agresora lle dá un golpe no ombreiro, agárraa polo pelo e golpéaa, o que lle provoca lesións leves. A parella da vítima, que estaba sentada na terraza do bar, acode a defendela pero foi suxeitado por outro tres mozos que o empuxan e tiran ao chan e dánlle puñadas e patadas, o que lle causa á vítima diversas fracturas en ambas as mans.
Tras localizar e deter aos tres mozos e imputar á moza un delito de lesións, os presuntos agresores pasaron a disposición xudicial e quedaron en liberdade cunha orde de afastamento para a vítima.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.