Por E.P. | A Coruña | 19/11/2020 | Actualizada ás 19:50
Representantes do PP no Congreso e no Senado, así como no Concello da Coruña, cualificaron as partidas previstas polo Goberno central para a cidade de "ninguneo" e reclamaron investimentos para a mesma. A deputada Tristana Moraleja, acompañada do senador Miguel Lorenzo e da portavoz municipal do PP na Coruña, Rosa Gallego, avanzaron a lista de emendas que o seu grupo presentará aos Orzamentos Xerais do Estado.
En total, incluíron partidas orzamentarias por un importe de 90 millóns de euros que, segundo explicou Moraleja, "son vitais para a cidade, á vez que sensatas e realistas". "Acorde co momento que estamos a vivir e do que o Partido Popular, a diferenza doutras formacións, somos conscientes".
Para a deputada popular, os orzamentos de Pedro Sánchez son "os peores dos últimos 15 anos para A Coruña", xa que inclúen o que ela denominou "pedrea dos 100.000 euros" para actuacións como a ampliación de Alfonso Molina, a ligazón ferroviaria do porto exterior ou a obra do Viario 18.
Tanto Tristana Moraleja como Miguel Lorenzo e Rosa Gallego criticaron uns orzamentos que, ao seu xuízo, "desprezan A Coruña" e favorecen outras comunidades "para pagar o seu voto favorable ás contas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.