A Xunta busca que o Estado siga o seu modelo de fomento da natalidade
A conselleira de Política Social, Fabiola García, rexeita a estratexia do Goberno central baseándose na súa "inconcreción".
Por E.P. | SANTIAGO DE COMPOSTELA | 20/11/2020 | Actualizada ás 18:14
A conselleira de Política Social, Fabiola García, manifestou este venres a súa desconformidade coa Estratexia Nacional fronte ao Reto Demográfico presentada este venres ás comunidades na Conferencia Sectorial para o Reto Demográfico.
Durante a reunión, a titular do departamento autonómico argumentou que este documento "carece de concreción en aspectos fundamentais como poden ser os mecanismos de financiamento".
Segundo indica nunha comunicado a Xunta, Fabiola García remarcou que, despois de tres anos e medio de traballo, este documento é moi esperado polo conxunto da sociedade, e por iso cualificó esta proposta como "decepcionante".
A conselleira pediu que se definan, entre outras cuestións, as medidas específicas, o custo efectivo dos servizos e as áreas de risco demográfico.
Así mesmo, tamén pediu ao Goberno central que actúe "coa mesma responsabilidade coa que está a actuar Galicia durante os últimos anos".
Como proba, apuntou ao proxecto galego de Lei de Impulso Demográfico, pioneiro en España, xa remitido á Cámara e que "contará cun orzamento concreto de máis de 730 millóns de euros anuais".
