Emprego: Correos convoca 109 postos de persoal laboral fixo en Galicia
Dos postos ofertados, 61 son para repartición a pé e motorizado, 21 para atención en oficinas e 27 para axente de clasificación.
Por Europa Press / Redacción | Santiago de Compostela | 23/11/2020 | Actualizada ás 18:04
Correos abriu o prazo de inscrición para cubrir 109 postos en Galicia de persoal laboral fixo en categorías operativas. Dos postos ofertados, 61 son para repartición a pé e motorizado, 21 para atención en oficinas e 27 para axente de clasificación.
Os interesados poden inscribirse desde este luns, 23 de novembro, e ata as 23,59 horas do próximo 2 de decembro, a través da web corporativa de Correos (https://www.correos.com/personas-e-talento/).
Por provincias, Correos ofrece 63 postos na Coruña, 11 en Lugo, 12 en Ourense e 23 en Pontevedra. Este proceso supón a oferta a nivel estatal de 3.381 postos de persoal laboral fixo, para desempeñar funcións de repartición de envíos, tarefas loxísticas e atención ao cliente en oficinas.
Segundo informou Correos, é unha convocatoria conxunta que inclúe os postos correspondentes ás taxas de reposición aprobadas para o ano 2019 (1.381 postos), así como 2.000 postos dos contemplados no plan de estabilización de emprego temporal 2018-2020 asinado coas organizacións sindicais CCOO, UXT, CSIF e Sindicato Libre.
