Por E.P. | SANTIAGO DE COMPOSTELA | 25/11/2020 | Actualizada ás 17:17
Preto de 600 profesionais sanitarios incorpóranse ás listas de contratación temporal de persoal laboral da Xunta. Así o recolle o Diario Oficial de Galicia (DOG), que publica este mércores as listas provisionais de admitidos e excluídos, que se fan de forma anticipada e separada para ter así unha maior dispoñibilidade de profesionais para facer fronte ás necesidades derivadas da covid-19.
En total, foron 586 as solicitudes de incorporación a estas listas: 23 nas categorías de titulado superior médico e outras (grupo I, categoría 2); 63 para ATS e outras (grupo II, categoría 2); e 500 solicitudes para auxiliar de clínica e outras (grupo IV, categoría 3).
As listas provisionais poderán consultarse no portal web corporativo da Xunta de Galicia, no Servizo de Atención e Información á Cidadanía, a través do teléfono 012; e nas oficinas de rexistro e atención á cidadanía da Xunta de Galicia. Os solicitantes disporán dun prazo de dez días hábiles desde este mércores para presentar reclamacións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.