A Xunta patrocina unha gran estrutura nas luces de Nadal de Madrid cun símbolo do Xacobeo 2021
Trátase dunha iniciativa conxunta do Concello de Madrid e o Goberno galego.
Por Europa Press / Redacción | MADRID | 26/11/2020 | Actualizada ás 12:26
As luces de Nadal da capital española incorporan este ano, na praza do Emperador Carlos V, o símbolo do Xacobeo 2021 nunha iniciativa conxunta do Concello de Madrid e a Xunta de Galicia.
As dimensións, informou o Consistorio, son de 23 metros de longo por 3,3 de altura. Trátase dunha figura de chan formada por unha estrutura de aluminio con soporte metálico de apoio. A iluminación dos motivos será a base de fío luminoso de cor branca frío e vermello.
A iniciativa parte das subvencións da Xunta ás empresas que se acollen ao programa de patrocinio do Xacobeo. O concello, pola súa banda, cedeu o espazo para a súa localización. Ademais do motivo luminoso da praza do Emperador Carlos V, nos próximos días instalarase un segundo motivo na rúa Santiago de Compostela na súa confluencia coa glorieta das Reais Academias, no distrito de Fuencarral-O Pardo.
