A esquerda únese contra a troika
Vigo, A Coruña, Santiago, Lugo, Ribadeo e Ourense acolleron manifestacións da "marea cidadá" contra as políticas impostas polo Fondo Moneterio Internacional, o Banco Central Europea e a Comisión Europea. Vídeo no interior.
Por Galicia Confidencial | Vigo | 01/06/2013 | Actualizada ás 23:02
Galicia participou este sábado na "marea cidadá" que orgnaizou mobilizaciones contra a troika (Fondo Moneterio Internacional, Banco Central Europea e Comisión Europea) en máis de 80 cidades por toda Europa. Vigo, A Coruña, Santiago, Lugo, Ribadeo e Ourense son algunhas das localidades que acolleron marchas.
A asistencia ás protestas foi dispar, en todo caso, menor a doutras mobilizacións contra os recortes. En Vigo foron varios milleiros os asistentes, mentres que en Santiago os medios falan de "ducias" de manifestantes. Entre os colectivos de base que apoiaban as protestas en Galicia estaban, entre outros, Stop Desafiuzamentos, Ecoar, Comités ou a Asemblea Aberta de Ourense.
A nivel de partidos políticos, os manifestantes tiveron o apoio de Anova, IU, Bloque e Equo, entre outros partidos de esquerda. Xavier Vence, voceiro nacional do Bloque, participou na mobilización de Compostela.
En declaracións aos medios, o catedrático da facultade de Económicas argumentou que as políticas de recorten están a levar a ruina a todos os países da Unión Europea. Vence acaba de publicar un libro no que razona a prol da transferencia de recursos á periferia da Unión para diversificar o seu tecido productivo. Na marcha de hoxe insistiu ademáis que unha "alternativa soberanista" é imprescindíbel para "ter capacidade de decisión fronte aos mercados".
Velaquí a crónica da manifestación de Vigo filmada por GZvideos:
