A policía Natalia Feijóo e a Rede de Mulleres Veciñais contra os Malos Tratos, Premios Meninas en Pontevedra

Por E.P. | Santiago de Compostela | 27/11/2020 | Actualizada ás 18:51

Comparte esta noticia

O delegado do Goberno en Galicia, Javier Losada, entregou este venres os Premios Meninas na provincia de Pontevedra á axente da Policía Nacional da Unidade de Familia e Muller (UFAM) de Vigo-Redondela Natalia Feijóo e á Rede de Mulleres Veciñais contra os Malos Tratos.

Entrega dos Premios Meninas en Pontevedra 2020
Entrega dos Premios Meninas en Pontevedra 2020 | Fonte: Delegación do Goberno.

Neste acto, celebrado na Subdelegación do Goberno en Pontevedra, Javier Losada subliñou a necesidade de que os responsables institucionais e as personalidades con visibilidade pública dean exemplo do compromiso contra a violencia de xénero. "Tan importante como o que facemos, é o que observan e interpretan outros", destacou.

O delegado do Goberno explicou que os Premios Meninas naceron para recoñecer esforzos e proporcionar exemplos claros á sociedade de como se pode axudar ás vítimas da violencia machista e "como se pode combater aos seus autores e previr os seus efectos".

O Premio Menina recaeu na Rede de Mulleres Veciñais contra os Malos Tratos, de Vigo. "É necesario pór en valor o labor desta entidade para que moitas mulleres abandonasen a contorna de violencia e recuperasen a liberdade e a dignidade", explicou o fallo do xurado.

O recoñecemento especial na provincia de Pontevedra foi para a policía da Unidade de Familia e Muller (UFAM) da comisaría de Vigo-Redondela Natalia Feijóo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta