Por Europa Press / Redacción | SANTIAGO DE COMPOSTELA | 02/12/2020 | Actualizada ás 12:34
A proposta da Xunta de Galicia para regular os encontros durante o próximo Nadal pasa por limitar as reunións a un máximo de dúas unidades familiares, aínda que con independencia do número de persoas que implique. Así o avanzou o presidente da Xunta, Alberto Núñez Feijóo, durante unha comparecencia para explicar as medidas adoptadas polo comité clínico na súa reunión deste martes.
Preguntado acerca das medidas para o próximo Nadal, Núñez Feijóo explicou que a proposta da Xunta pasa por non centrarse no número de persoas, senón nas unidades familiares. En concreto, Galicia aposta por limitar a dúas unidades familiares distintas as ceas e comidas de Nadal e pide que, no posible, sexan as mesmas persoas para os diferentes encontros ao longo destas datas.
A maiores, para aquelas persoas que non conten como núcleo familiar ou no caso de que o Goberno central non acepte a proposta de unidades familiares, a Xunta propón que non conten nos máximos de persoas os nenos menores de 10 anos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.