Por E.P. | Santiago de Compostela | 04/12/2020 | Actualizada ás 15:14
As consecuencias da situación climatolóxica adversa que afecta a Galicia este venres deixaron a máis de 1.600 alumnos sen clase, especialmente nas provincias de Lugo e Ourense. En total víronse afectados 1.663 escolares de 36 centros educativos, dos que 21 víronse obrigados a suspender a actividade lectiva, segundo os datos facilitados pola Consellería de Cultura, Educación e Universidade.
A maioría das incidencias rexistráronse na provincia de Lugo, con 1.109 alumnos e 22 centros afectados, dos 14 tiveron que suspender as clases.
Na provincia de Ourense, 480 alumnos non puideron asistir a clase e 12 centros víronse afectados (sete deles coa actividade lectiva suspendida).
Os efectos da climatoloxía tamén afectaron a dous centros da provincia da Coruña, con 74 escolares que non puideron acudir a clase.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.