O Covid-19 foi a primeira causa de morte en España entre xaneiro e maio
Con todo, as mortes causadas por enfermidades do sistema circulatorio provocan cada ano dende 2016 máis de 50.000 mortes ao ano.
Por Europa Press / Redacción | MADRID | 12/12/2020 | Actualizada ás 21:00
A pandemia provocada polo virus SARS-Cov-2, coñecido comunmente como "covid", provocou nos primeiros 5 meses de 2020 a morte de 32.652 persoas que estaban contaxiadas do virus, e de 13.032 persoas que tiñan un virus sospeitoso de ser o covid, sendo este o motivo principal de morte en España durante este período, segundo o INE.
Coincidindo coa primeira onda de coronavirus, entre xaneiro e maio, as principais causas de morte en España, sen contar o covid, foron as enfermidades cerebrovasculares, que provocaron 11.317 mortes; as enfermidades do corazón, que provocaron 10.690 mortes; e as enfermidades do sistema respiratorio, que provocaron 9.670 mortes.
Durante o período de xaneiro a maio de 2019, as mortes por enfermidades cerebrovasculares, por enfermidades do corazón e por enfermidades do sistema respiratorio foron superiores ás deste ano. Durante o período analizado en 2020, cando se desenvolveu a pandemia do covid, morreron 231.014 persoas, 43.537 persoas máis que no mesmo período do ano anterior.
EVOLUCIÓN DAS MORTES POR ENFERMIDADES INFECCIOSAS
A Covid-19 é unha enfermidade infecciosa que apareceu en Wuhan en novembro de 2019 e viaxou ata España onde se detectou o primeiro caso o 31 de xaneiro na Gomera, converténdose rapidamente na primeira causa de morte en España. Este feito cambiou as gráficas que analizan as causas de morte en España, xa que as enfermidades infecciosas foron, segundo os datos recollidos dende 2016 ata 2019, unha das últimas causas de morte, con menos de 5.000 mortos ao ano.
En contraposición, as mortes causadas por enfermidades do sistema circulatorio provocan cada ano dende 2016 máis de 50.000 mortes ao ano. Pola súa parte, os tumores cóbranse cada ano máis de 45.000 mortes.
