O BNG acusa á Xunta de copiar o banco de terras do bipartito 11 anos despois de "desmantelalo"
Olalla Rodil criticou o "sectarismo político" dos 'populares' por "atacar e desmantelar" a medida.
Por Galicia Confidencial | SANTIAGO DE COMPOSTELA | 11/12/2020 | Actualizada ás 13:50
Xornadas de hemeroteca na política galega. O anuncio recente da Xunta de Galicia que lanzaba unha Lei de recuperación da terra agraria vén de facer saltar as alarmas no BNG. O grupo nacionalista ve unha similitude clara entre a proposta impulsada polo executivo de Núñez Feijóo e o chamado 'banco de terras', unha das medidas do Bipartido que máis ataques recibiu da man das filas populares.
Estes días a parlamentaria do BNG Olalla Rodil aproveitaba para lembrar ao executivo 'popular' como o goberno de Feijóo "atacou, mentiu e desmantelou o Banco de Terras" para agora "anuncialo como pioneiro".
Por puro sectarismo político o PP atacou, mentiu e despois desmantelou o Banco de Terras que impulsou @obloque desde a Consellaría de Medio Rural. Fixéronlle perder a Galiza unha década e agora anuncian como pioneiro o que eles mesmos se cargaron hai 11 anos. Non tedes vergoña. https://t.co/DLvW6ymdyh
— Olalla Rodil (@orodil) December 10, 2020
