Sete novos falecidos elevan a 1.319 os mortos pola Covid en Galicia

Sete persoas morreron este domingo diagnosticadas de covid-19, polo que Galicia suma 1.319 falecementos desde o inicio da pandemia, segundo datos de Sanidade. Unha delas, un home de 91 anos, faleceu no CHOP de Pontevedra e procedía da residencia Soremay desa cidade.

 

Outros dous homes de 82 e 69 anos morreron no CHUAC da Coruña, outro home de 77 anos no Hospital de Ourense e unha muller de 82 anos no Centro Hospitalario de Vigo.

  

Tamén o Complexo Hospitalario Universitario de Santiago rexistrou un home falecido de 80 anos e o Hospital Lucus Augusti de Lugo, outro home de 79 anos. Todos eles tiñan patoloxías previas.