Varios detidos nunha operación antidroga en Pontevedra

Axentes da Garda Civil e da Policía Local de Pontevedra despregaron este martes un importante operativo contra o tráfico de drogas na cidade de Pontevedra con, polo menos, sete detidos.

Segundo fontes da investigación, no marco desta operación conxunta practicáronse ata seis rexistros en distintos inmobles, entre eles dúas casas en Monte Porreiro, unha vivenda no Paseo de Colón, un mesón na rúa Peregrina e unha casa en San Blas, na parroquia de Salcedo.

Polo momento non transcendeu información oficial sobre esta operación contra o tráfico de drogas.

Garda Civil | Fonte: Ministerio do Interior