Por Galicia Confidencial | Pontevedra | 15/12/2020 | Actualizada ás 22:08
Completar 195 kilómetros (300.000 pasos) antes do 15 de xaneiro. Ese é o obxectivo da 'Rara, pero San Silvestre' de Pontevedra, un evento que comezaron este martes o tenente de alcalde e concelleiro de Deportes, Tino Fernández, e os concelleiros do Grupo Municipal do PSOE Yoya Blanco, Iván Puentes e Marcos Rey.
Para esta xornada inaugural, os concelleiros socialistas optaron polo roteiro Entrepontes, un dos máis asequibles da proba, cunha lonxitude de 1.000 metros (12 minutos camiñando, tal e como establece o MetroSilvestre), entre as pontes de O Burgo e a Ponte das Correntes.
Os que queiran participar nesta San Silvestre un tanto especial teñen que facelo na web da Sociedade Ximnástica 'sgpontevedra.com' e rexistrando a actividade realizada a través desta mesma páxina ou escaneando os códigos QR instalados nas sinalizacións dos circuítos. "Temos unha proposta de 10 circuítos que suman 37 kilómetros e que se poden completar individualmente ou en familia. Máis que nunca, trátase dunha San Silvestre pensada para todo o mundo e na que os que non estamos tan en forma, como é o meu caso, tamén podemos achegar o noso grao de area e colaborar co Banco de Alimentos", sinalou o tenente de alcalde.
Aínda que as marcas son o de menos, Tino Fernández, Yoya Blanco e Iván Puentes completaron cinco voltas camiñando 'a bo ritmo' (5 kilómetros por testa), mentres que Marcos Rey fixo dez kilómetros correndo no circuíto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.