Retencións na AP-9 en sentido A Coruña por un choque entre un camión e un turismo en Ordes

A colisión entre un camión e un turismo na AP-9, á altura do concello de Ordes, provocou o corte do tráfico e retencións nesta autoestrada no carril de sentido á Coruña. Segundo informan fontes da Dirección Xeral de Tráfico (DXT), a circulación atópase cortada e desviada a partir da saída do quilómetro 41.

O sinistro ocorreu ao redor das 15,45 horas deste venres, cando a central do 112 Galicia recibiu unha chamada avisando dunha colisión entre un coche e un camión no punto quilométrico 39 da AP-9, á altura de Ordes. Ademais, o alertante indicaba que podía haber feridos.

Seguidamente, o servizo de emerxencias avisou aos bombeiros de Ordes, á Garda Civil, á Policía Local, a Protección Civil, ao 061-Urxencias Sanitarias e ao servizo de mantemento da estrada.

Por parte dos efectivos sanitarios, desprazouse ata o punto do accidente ao helicóptero sanitario con base en Santiago, tal e como indica o 112.