Por admin | GC ABERTO | 22/12/2020
Achéganse as datas de Nadal e moitos estudantes como é o meu caso queremos voltar á nosa residencia habitual. Eu estudo en Lugo e vivo en Vigo. Para que vos fagades unha idea non teño ningunha conexión directa en transporte público entre as dúas cidades, esta é unha situación que xa viviamos antes da Covid-19.
Ante esta situación considerei a idea de que o meu padre me viñese recoller a Lugo, xa que así evitaría ir nun transporte público que vai cheo de persoas descoñecidas, as cales poden contaxiarme, tendo en conta que tería que facer un transbordo e usar 2 medios de transporte diferentes. Pois ben, a resposta que recibín por parte do Goberno Autonómico foi que se teño unha posibilidade de usar transporte público que o use, porque poderían multar ao meu pai se ven recollerme.
E digo eu, nesta situación de pandemia non debería ser a prioridade frear os contaxios e evitar en todo momento aglomeracións? Estanme dicindo que é mellor que viaxe en dous transportes diferentes a que viaxe co meu pai? E o que máis me indigna, podo ir a unha cafetería con 4 amigos pero non pode vir meu pai recollerme? Dende logo que o que se está facendo na comunidade non ten ningún sentido.
Iria Bravo Fernández, estudante
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.