Traballadores de Siemens Gamesa cortan a autovía AG-64 para protestar pola "falta de traballo"

Cualifican de "éxito" a participación na convocatoria.

Por Europa Press / Redacción | SANTIAGO DE COMPOSTELA | 21/12/2020 | Actualizada ás 19:14

Comparte esta noticia

Traballadores da planta para a fabricación de pas para aeroxeradores que Siemens Gamesa ten nas Somozas (A Coruña) cortaron este luns o tráfico da autovía AG-64 durante unha hora para protestar contra a "falta de traballo".

A convocatoria, que se enmarca no calendario de protestas con motivo da folga indefinida que iniciaron o pasado 11 de decembro, foi secundada por unhas 200 persoas, segundo afirmou o presidente do comité de empresa, Sergio López.

O representante dos traballadores, que cualificou de "éxito" a protesta, asegurou que busca reivindicar a falta de carga de traballo, tendo pendente de fabricación nestes momentos tres pas do modelo G-114. E é que, segundo indicou, nestes momentos, hai seccións "que non teñen traballo" e outras nas que "están a realizar funcións que non lles corresponde", afirmou Sergio López.

Ademais, este mesmo luns, os traballadores recibiron a noticia da non renovación de 24 traballadores eventuais, que se suman aos 58 aos que non se lles renovou no mes de novembro, polo que actualmente quedan traballando na planta das Somozas 240 empregados.

Segundo sinalou López, todo o persoal que nestes momentos queda na planta é "indefinido" da empresa xa que "non quedan traballadores eventuais, nin de ETT". Ademais deste corte do tráfico, Sergio López confirmou que os traballadores de Siemens Gamesa están a controlar "as entradas e saídas da produción" na planta das Somozas. 

Protesta Siemens Gamesa
Protesta Siemens Gamesa | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta