Por Europa Press / Redacción | SANTIAGO DE COMPOSTELA | 23/12/2020 | Actualizada ás 13:33
O PP votou non este mércores no pleno do Parlamento galego a unha proposta do BNG --o PSdeG abstívose-- que instaba a reclamar ao Estado a cesión á Xunta de Galicia do pazo de Meirás, cunha colaboración de custos compartida, á vez que defendía o uso "central" da memoria histórica como eixo para este espazo.
Antes das votacións e despois de que o Bloque denegase aceptar as emendas de populares e socialistas, o portavoz parlamentario do PPdeG Pedro Puy pediu unha votación separada para apoiar diferentes puntos. En concreto, mostrouse a favor de apoiar a cesión a Galicia deste espazo, así como os usos combinados relativos ás figuras de Pardo Bazán e de "quen expolió o pazo", ademais da homenaxe ás entidades memorialísticas que loitaron pola súa recuperación para o público.
O presidente da Cámara, o popular Miguel Santalices, apelou ao proponiente Luís Bará (BNG) a chegar a acordo por ser "Nadal", pero o Bloque non aceptou esta votación por puntos. Deste xeito, non se alcanzou acordo e a iniciativa votouse no seu conxunto, polo que foi rexeitada polos populares --con maioría absoluta na Cámara--.
A proposta do Bloque tamén pasaba por unha xestión compartida coa Deputación da Coruña e Concello de Sada do BIC, así como para acordar os seus usos. Igualmente, esta iniciativa demandaba que o primeiro acto en Meirás en xaneiro sexa unha homenaxe ás entidades de memoria história que loitaron pola súa recuperación nos últimos 40 anos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.