Por Galicia Confidencial | SANTIAGO DE COMPOSTELA | 24/12/2020 | Actualizada ás 09:30
A Fundación Rosalía de Castro, xestora da súa Casa-Museo, vén de lanzar unha advertencia pública contra o que, denuncian, podería tratarse dun caso de suplantación de identidade. Segundo sinalan nun comunicado desenvolto a través das redes sociais da entidade, unha empresa "está a utilizar o nome" da fundación para vender a "elevado custo" un libro sobre a poeta galega. Segundo recollen as mesmas fontes, o obxectivo da venda serían concellos galegos.
Dende a plataforma aproveitaron o comunicado para deixar claro que non teñen "nada que ver" con estas prácticas "fraudulentas". De xeito paralelo, destacan que se reservan a "posibilidade de emprender accións legais" e demandan información no caso de que alguén teña coñecemento directo da empresa referenciada.
#AVISOIMPORTANTE
— Casa de Rosalía (@CasadeRosalia) December 23, 2020
Vémonos na obriga de contarvos que, segundo varios informantes, unha empresa está a utilizar o nome da Fundación Rosalía de Castro para vender un libro de elevado custe aos concellos galegos e tamén a algúns particulares. 👇
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.