Por E.P. | A CORUÑA | 23/12/2020 | Actualizada ás 18:57
A Policía Nacional e a Garda Civil realizaron controis no que vai semana a 6.766 persoas e 3.695 vehículos, e tramitaron 191 propostas de sanción, menos do 3 por cento, segundo informou o delegado do Goberno en Galicia, Javier Losada.
Delegación do Goberno confirmou que o pasado luns foron identificadas 2.125 persoas por parte da Policía Nacional, e outras 1.605 por parte da Garda Civil en diferentes puntos de Galicia. En canto aos vehículos, os controis afectaron a 2.085 coches. O martes foron identificadas pola Policía 1.851 persoas, e outras 1.185 por parte da Garda Civil. Así mesmo, ambos os corpos de seguridade controlaron un total de 1.610 vehículos.
Estas cifras son resultado dos 325 controis desenvolvidos por Policía Nacional e Garda Civil en apenas dous días, nos que houbo un total de 191 propostas de sanción: 49 tramitadas pola Policía e 142 polo Instituto Armado.
O delegado do Goberno en Galicia, Javier Losada, agradeceu o "alto cumprimento e a responsabilidade" por parte dos galegos, e fixo un chamamento a "que a actitude da poboación continúe como ata agora", con "especial coidado" nas reunións familiares, polo "importante risco" que supoñen na actual situación de pandemia de COVID.
Así mesmo, Losada recalcou que tanto Policía Nacional como Garda Civil "traballan para garantir o cumprimento das restricións impostas pola Xunta" e, nese sentido, prevese que as forzas de seguridade reforcen a vixilancia en áreas onde poida haber aglomeración de persoas, en zonas de lecer e restauración.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.