Sanidade notifica 5 novos falecidos con covid en Noiteboa
As vítimas da pandemia en Galicia soben a 1.359.
Por Europa Press / Redacción | SANTIAGO DE COMPOSTELA | 24/12/2020 | Actualizada ás 21:31
Cinco persoas diagnosticadas con coronavirus faleceron nas últimas horas, co que o total de vítimas da pandemia en Galicia elévase a 1.359.
Segundo trasladaron as autoridades sanitarias a última hora deste xoves de Noiteboa, tres destes últimos mortos estaban ingresados no Complexo Hospitalario Universitario de Santiago (CHUS): dous homes de 88 e 78 anos e unha muller de 81.
Ademais, outro home de 86 anos que era usuario da residencia CRAPD Vigo II faleceu por coronavirus ingresado no Complexo Hospitalario Universitario de Vigo (Chuvi).
Finalmente, o Complexo Hospitalario Universitario de Ferrol notificou a morte doutra persoa diagnosticada de covid-19, concretamente o dunha muller de 77 anos. Todos eles presentaban patoloxías previas, segundo precisou a Consellería de Sanidade.
