Pescan o que podería ser o abadexo máis grande ata agora atopado na ría de Muros e Noia

Ten un peso de case oito quilos.

Por Galicia Confidencial | Noia | 04/01/2021 | Actualizada ás 20:00

Comparte esta noticia

Un magnífico exemplar de abadexo de case un metro e oito quilos de peso. É o que pescou Manuel Rey Perol este luns na boca da ría de Muros e Noia a 90 metros de profundidade acompañado de Víctor Solís.

Manuel Rey Perol, co abadexo de case oito quilos pescado na ría de Muros Noia
Manuel Rey Perol, co abadexo de case oito quilos pescado na ría de Muros Noia | Fonte: remitida

"Tiraba moito fío, daba medo... Eu, ao principio pensaba que era robaliza, pero logo xa vin que tiña que ser un abadexo, pero non pensei que fora tan grande. O mérito foi sacalo para arriba. Debín de botar dous ou tres minutos", dixo en declaracións ao GC.

Manuel di que ten pescado algún de tres quilos, pero nunca un tan grande. "Eu penso que ninguén na ría ten sacado un tan grande. Nin na lonxa teño visto un tan grande", asegura. O único que di que o superou foi unha corbina que se pescou hai 25 anos e que superaba os 20 quilos. "Pero as corbinas soen ser xa sempre moi grandes", di.

O abadexo é un peixe mariño da familia dos gádidos que vive en fondos rochosos ata os douscentos metros de profundidade e que pode chegar a medir máis dun metro de lonxitude e pesar dez quilos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta