Toda Galicia en alerta por temperaturas mínimas e neve por riba dos 400 metros nalgúns puntos
Haberá bancos de néboa matinais no interior.
Por Europa Press / Redacción | MADRID | 04/01/2021 | Actualizada ás 21:27
Unha trintena de provincias estarán este martes en aviso de distintos niveis por temperaturas, entre elas, as catro galegas, con mínimas que poderían alcanzar os -12ºC en Salamanca, Ávila e Segovia, así como por nevadas, segundo a predición da Axencia Estatal de Meteoroloxía (AEMET).
Durante a xornada, estará nubrado ou cuberto no norte de Galicia e o Cantábrico, con precipitacións que tenderán a remitir ao longo do día. A cota de neve será, no terzo norte, de entre 200 e 400 metros, subindo a 400/600 metros. Nevadas que serán intensas en Cantabria e Euskadi, pero que tamén afectarán, principalmente, ás provincias de Lugo e Ourense.
O AEMET tampouco descarta este martes algúns bancos de néboa matinais no interior de Galicia.
