Por Europa Press / Redacción | SANTIAGO DE COMPOSTELA | 06/01/2021 | Actualizada ás 20:41
As mortes pola pandemia elévanse a 1.431 en Galicia tras a notificación por parte das autoridades sanitarias de catro novos falecementos con covid-19 nas últimas horas. Todas as persoas presentaban patoloxías previas.
Segundo informou a Consellería de Sanidade, faleceu unha muller de 84 anos, relixiosa que tiña relación co centro Santa Teresa de Jornet, no Hospital Quirón da Coruña. Tamén perdeu a vida un home de 92 anos da DomusVi de Vimianzo.
Ademais, tamén se rexistrou o falecemento dunha muller de 80 anos no Complexo Hospitalario Universitario de Ferrol (CHUF) e dun home de 75 no Complexo Hospitalario Universitario de Santiago.
Precisamente, este mesmo mércores Sanidade informou tamén as mortes producidas na xornada do martes, na que faleceron catro homes --un deles procedente da residencia Modelo de Vigo-- e de dúas mulleres.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.