A Xunta baralla pechar as visitas ás residencias tras o contaxio masivo no centro de Ribeira
Tamén aprobará máis medidas contras o sector da hostalaría.
Por Europa Press / Redacción | SANTIAGO DE COMPOSTELA | 08/01/2021 | Actualizada ás 12:43
A Xunta baralla pechar as visitas ás residencias de maiores ata que finalice a vacinación total de todos os usuarios e do persoal destes centros. Unha decisión que toma logo con contaxio de case 20 usuarios da Residencia de Ribeira despois da vacinación masiva contra a covid que tivo lugar hai unha semana.
Así o anunciou este venres o presidente do Executivo autonómico, Alberto Núñez Feijóo, que destacou que esta será unha das medidas que abordará o subcomité clínico que asesora á Xunta na pandemia na súa reunión deste venres.
"Probablemente (o subcomité clínico) adopete a decisión de blindar as residencias da terceira idade mentres non consigamos vacinar e dispensar as dúas doses a todo o persoal e, polo seu posto aos residentes", sinalou o presidente.
Feijóo, que descartou polo momento o confinamento domiciliario en Galicia, tamén destacou que nesta reunión adoptaranse decisións que afectarán á hostalaría.
