Por Europa Press / Redacción | SANTIAGO DE COMPOSTELA | 08/01/2021 | Actualizada ás 13:22
O presidente da Xunta, Alberto Núñez Feijóo, dixo que en Galicia non hai atrasos nas vacinacións e lembrou que a Xunta xa empezou a dispensar as vacinas, con máis de 2.000 profesionais para realizar todas as inmunizacións "en función do grao de entrega" de dose por parte do Goberno central.
"Salvo a porcentaxe que deixamos por criterios de prudencia para a segunda dose, dispensamos todas as vacinas que están a disposición do Servizo Galego de Saúde (Sergas)", puxo en valor para sinalar que a Xunta ten "máis capacidade instalada para ir máis rápido" pero que depende "do número de doses" que poida ter.
Neste contexto, sostivo que a prioridade na dispensación segue sendo imnunizar á poboación máis vulnerable que, segundo indicou, que é a de maior idade que vive nas residencias. "Queremos no mes de xaneiro inmunizar a todo o persoal da terceira idade, este é o obxectivo", subliñou Feijóo, que asegurou que a Xunta está "preparada" para cumprir este obxectivo.
CHAMA Á RESPONSABILIDADE DOS GALEGOS
Nunha intervención na que descartou o confinamento xeral de Galicia pero avanzou que haberá algunhas medidas restricticas para a hostalaría, Feijóo volveu a apelar á responsabilidade dos galegos, aos que trasladou que "aínda quedan moitos meses de dificultades".
"Imos dedicar probablemente todo este ano 2021 para tentar inmunizar á poboación e tentar vencer a pandemia", sinalou na que é a súa primeira intervención pública do ano 2021. "A pesar de determinadas actitudes individuais impropias, o certo é que a maioría de Galicia tivo un comportamento aceptable e, algún deles, un comportamento exemplar en todas estas datas de Nadal", sinalou Feijóo, que subliñou que a galega segue sendo a comunidade autónoma con "menos ocupación" en hospitais e en UCI por covid.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.