Por E.P. | A CORUÑA | 11/01/2021 | Actualizada ás 17:01
A Policía Nacional detivo o pasado martes na Coruña a un home de 39 anos de idade, que xa fora denunciado anteriormente por feitos similares, por cometer dous roubos en vehículos tras violentar as súas fechaduras. Os feitos ocorreron por mor dunha chamada recibida ás 2,30 horas da mañá na que unha persoa denunciaba que vira como un home forzara un vehículo e introduciuse no seu interior.
Seguidamente, as dotacións policiais acudiron ao lugar e localizaron a un home que tentaba ocultarse no interior dun coche que tiña forzada a fechadura. Posteriormente, os actuantes constataron que fixera o mesmo con outro vehículo. Ademais, o detido portaba diversos obxectos e documentación que foron identificados como propios por parte dos titulares dos coches. Por todo iso, procedeuse a deter ao home por un delito de roubo con forza nos dous vehículos e tramitáronse as correspondentes dilixencias policiais, que foron remitidas ao xulgado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.