Os centros comerciais terán que controlar "en todo momento" o seu aforamento" a partir do venres

Os centros e parques comerciais, así como os establecementos que teñan a consideración de grandes superficies estarán obrigadas desde este venres a dispor dun sistema que permita contabilizar e controlar, "en todo momento", o número de persoas que hai no seu interior.

Así, e na liña do que apuntou o presidente da Xunta, Alberto Núñez Feijóo, na rolda de prensa deste mércores, na que avanzou que unha das medidas máis relevantes ía estar focalizada na vixilancia, o Diario Oficial de Galicia (DOG) do 13 de xaneiro de 2020 número 7 (bis) publicou unha orde na que se recolle por escrito a obrigatoriedade de levar a cabo estes labores de vixilancia, das que son responsables as persoas físicas ou xurídicas titulares das instalacións ou das que teñan atribuída a súa xestión.

Concretamente, incorpórase un novo punto vinculado coas medidas de prevención específicas como consecuencia da covid que di: "os centros e parques comerciais, así como os establecementos que teñan a consideración de grandes superficies, deberán dispor de sistemas ou dispositivos que permitan coñecer, en todo momento, o número de persoas usuarias existente no seu interior, así como o control de aforamento máximo nas citadas instalacións".

Esta medida súmase a unha actuación xeral que pasa por clausúraa das zonas comúns en todos os centros e parques comerciais, que se suma á norma xeral de que tanto comercios pequenos como grandes deberán clausurar as súas portas ás 21,30 horas --salvo que o seu horario xa sexa menor-- na liña do adianto do toque de queda ás 22,00 horas.

Ademais, os establecementos dos centros comerciais non poderán superar o 30 por cento da súa capacidade total. No caso de que estean distribuídos en varios pisos, esta porcentaxe deberá gardar proporción entre todos eles.

PECHE DE ZONAS COMÚNS

Outra das restricións que entra en vigor este venres está vinculada ás zonas comúns. Así, "non se permitirá a permanencia de clientes nas zonas comúns, excepto para o tránsito entre establecementos, salvo na actividade da hostalaría e restauración que se leve a cabo nestas zonas", o cal se deberá axustar ao previsto para este sector en función do concello e as restricións xerais existentes.

No Diario Oficial de Galicia lémbrase que a capacidade das zonas comúns queda restrinxida ao 30 por cento. Ademais, non se poderán utilizar zonas recreativas, como poden ser as zonas infantís de lecer, ludotecas ou áreas de descanso.

AUMENTO DE CONTROIS

Por outra banda, os case 8.000 axentes de Policía Nacional e Garda Civil que velan polo cumprimento das medidas sanitarias impostas pola Administración autonómica para a xestión da pandemia aumentarán os controis nos centros comerciais e as súas contornas de cara a evitar que se produzan aglomeracións e que se cumpran as restricións á mobilidade.

Así, haberá dispositivos "dinámicos" de tráfico nas vías de comuniación con maior tráfico, especialmente nas de entrada e saída ás cabeceiras das áreas meropolitanas.

Así o acordou o Centro de Coordinación autonómico (Cecor) na súa reunión do 14 de xaneiro, que estivo presidida polo delegado do Goberno en Galicia, Javier Losada, e na que se abordou o novo catálogo de medidas sanitarias e restricións que entrarán en vigor en Galicia á medianoite do 15 de xaneiro.

Esta proposición, que será trasladada pola Delegación do Goberno á Xunta para a súa posible implantación, persegue que os axentes das forzas e corpos de seguirdad "conten cunha maior base para o desenvolvemento das súas funcións" a través dun documento no que o condutor indique a xustificación do seu desprazamento.