Por E.P. | SANTIAGO DE COMPOSTELA | 14/01/2021 | Actualizada ás 17:44
A Corporación municipal da Coruña aprobou no pleno unha moción presentada polo BNG na que se insta ao Goberno e á Xunta a buscar "alternativas" para asegurar o futuro da planta de Alu Ibérica. Este apoio tivo lugar na primeira sesión plenaria do ano e no día no que empregados da fábrica secundaron unha nova mobilización ante as instalacións para esixir a readmisión dunha compañeira e pedir a intervención da planta, no marco da folga indefinida que manteñen desde o 26 de decembro.
Ademais deste asunto, o pleno tamén aprobou por unanimidade conceder a medalla ao mérito da cidade na súa categoría de ouro á Asociación de Persoas Xordas da Coruña, así como unha declaración en apoio á cultura. "O tecido cultural necesita o apoio de todas as administracións para garantir a supervivencia do sector e condicións dignas de traballo durante e despois da pandemia", expuxo a rexedora, Inés Rey.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.