Por Europa Press / Redacción | SANTIAGO DE COMPOSTELA | 18/01/2021 | Actualizada ás 20:15
A confederación de empresarios de Galicia (CEG) arrinca este martes a votación telemática nas súas eleccións á presidencia, que nesta ocasión, tras varios intentos errados, con dous candidatos ou ausencia dos mesmos, prodúcense cun único aspirante, o vigués Juan Vieites.
A votación telemática empeza este martes ás 9,00 horas e finaliza o mércores ás 19,00 horas. Mentres, a asemblea, onde aqueles vogais que así o desexen poderán emitir o seu sufraxio de forma presencial, está convocada para este xoves ás 12,00 horas na sede compostelá da CEG.
Precisamente o desenvolvemento e posterior cuestionamiento dos comicios repartidos entre parte presencial e parte telemática foi o argumento que levou a dimitir ao anterior presidente, que só durou dous día á fronte da patronal galega, a finais do pasado novembro.
E é que cinco minutos antes de que se celebrase a asemblea electoral retirouse o seu rival, o que levou a que fose elixido por proclamación, sen votación presencial, a pesar de que electores xa emitiran o seu voto de forma telemática.
Esta vez, a CEG, tras anos inmersa nunha crise por enfrontamentos internos entre provincias e organizacións sectoriais, afrontará a votación, tanto telemática como presencial, e farao cun candidato que asegura recibir o apoio de todas as partes. De feito, foi avalado por Lugo e por Pontevedra e o presidente da Coruña deulle o seu respaldo publicamente, mentres as sectoriais apostan por darlle "un voto de confianza".
Nunha entrevista tras presentar o seu programa, Vieites, secretario xeral da patronal da conserva de peixe, asegurou sentirse con "as mans totalmente libres" para trazar unha nova "folla de ruta" na patronal galega que acabe con este tempo de conflitos e achegue unha "voz única" ao tecido empresarial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.