Comeza a segunda fase de vacinación en residencias na área sanitaria da Coruña e Cee

O primeiro usuario en recibir a segunda dose foi Juan Molina, que destacou que vacinarse "é unha marabilla".

Por E.P. | A CORUÑA | 19/01/2021 | Actualizada ás 11:36

Comparte esta noticia

Juan Molina, o primeiro usuario de residencia vacinado contra a Covid-19 na área sanitaria da Coruña e Cee, recibiu este martes a segunda dose, tras administrarlle a primeira hai 21 días. Desta forma, comezou nesta área sanitaria a segunda fase de vacinación contra a Covid-19, informaron fontes sanitarias.

Tras recibir a vacina, Juan Molina, de 86 anos, natural de Úbeda (Xaén) e usuario da Residencia Bellolar da Coruña, trasladou a súa satisfacción. "É unha marabilla", dixo. "Un pensamento que xa nolo quitamos de encima", asegurou sobre a Covid-19 e a incidencia da pandemia.

Preguntado sobre que espera facer dentro de dez días cando estea inmunizado, dixo que a súa intención é poder saír: "Se puidese saír un pouco iría ver á miña filla e estar tranquilo", sentenciou.

Juan Molina, primeiro vacinado contra a Covid na área sanitaria da Coruña e Cee, recibe a segunda dose. CHUAC
Juan Molina, primeiro vacinado contra a Covid na área sanitaria da Coruña e Cee, recibe a segunda dose. CHUAC | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta