Seguen aumentando os contaxios entre usuarios e traballadores de residencias
Hai 38 novos casos de covid-19 entre maiores, o que eleva o número total en Galicia a 387, e 16 novos positivos entre empregados, elevándose a 200 os positivos neste colectivo.
Por Europa Press / Redacción | Santiago de Compostela | 19/01/2021 | Actualizada ás 14:16
Os usuarios de residencias de Galicia diagnosticados de covid-19 aumentaron un día máis e sitúanse en 387, despois de que nas últimas horas se rexistrasen 38 novos contaxios repartidos en case unha decena de centros.
En concreto, 10 dos novos casos de coronavirus correspóndense con anciáns do xeriátrico DomusVi Carballo, ademais doutros oito na residencia Mi Casa de Pazos de Borbén, seis en DomusVi Vimianzo, catro en San Bartolomeu de Xove, outros cuatro en Virxe da Clamadoira de Muíños, dous en Campolongo de Pontevedra, dous en Santa Teresa Jornet de A Coruña, un no centro San José Otero de Santiago e outro na Vivenda Comunitaria de Vilar de Santos.
No entanto, no parte diario difundido este martes pola Xunta, figura que dous anciáns da residencia Santa Teresa Jornet da Coruña recibiron o alta, polo que se retiran do cómputo de casos activos. Tamén saen da listaxe outros 11 usuarios de xeriátricos que faleceron con covid nos últimos días, tal e como informaba na noite do luns a Consellería de Sanidade.
Tras estas variacións, a DomusVi Ribeira continúa como a residencia con máis casos activos entre os maiores, cun total de 67. Seguen a esta a residencia Paz y Bien de Tui --intervida pola Xunta a semana pasada--, con 61 casos activos, e a DomusVi Vimianzo, con 49.
TRABALLADORES INFECTADOS
En canto aos traballadores das residencias galegas, o cómputo global volveu a ascender nos datos deste martes ata colocarse nos 200. Nas últimas horas, detectáronse 16 novos positivos: catro en Paz y Bien de Tui, tres en DomusVi Vimianzo, tres nas Angélicas de Vigo, dous en DomusVi Ferrol, dous en San José de Arzúa, un na residencia de Ortigueira e outro en DomusVi Ribeira.
Á parte, hai que ter en conta que recibiron o alta da covid-19 outros 11 empregados de xeriátricos: catro de DomusVi Vimianzo, dous nos Gozos de Pereiro de Aguiar, un en Caser A Zapateira de Culleredo, un na residencia de Oleiros, outro en Burela, un en Albertia Lugo e outro no CRAPD Vigo II.
Segundo a última actualización da Xunta, o persoal máis afectado pola pandemia segue sendo a da residencia Paz y Bien de Tui, con 29 positivos.
CENTROS DE DISCAPACIDADE
Nos centros de atención á discapacidade (CAPD) de Galicia, detectouse un novo gromo con sete usuarios afectados en Casa Nuestra Señora de Fátima y Cristo Rey de Crecente, á vez que se engadiron á listaxe por contaxiarse outros dous usuarios do centro Pai Menni de Betanzos, que acumula xa 31 casos activos. Ademais, hai un usuario con covid en DomusVi Bóveda.
No lado dos traballadores, creceron a 14 tras detectarse un positivo no centro Aspace de Sada, outro no centro Aseme de Chantada e un terceiro na residencia de discapacidade de Bergondo, que agora conta con dous empregados con coronavirus. A estes súmanse sete traballadores da Pai Menni, un do CAPD A Coruña, un en casa Lamastelle de Oleiros e outro en DomusVi Bóveda.
