Liberan a un condutor que quedou atrapado por unha perna ao sufrir un sinistro en Cuntis

Os efectivos de emerxencias liberaron a un condutor que quedou atrapado por unha perna despois de sufrir un accidente co seu vehículo cando circulaba pola estrada N-640 á altura do municipio pontevedrés de Cuntis.

O sinistro, segundo detalla o CIAE 112 Galicia, tivo lugar na contorna das 07,00 horas deste mércores na coñecida como recta da Anllada, onde o condutor perdeu o control do seu vehículo e acabou fóra da vía. A central do 112 activou entón un operativo no que participaron os bombeiros do Salnés e membros do GES da Estrada, que liberaron ao condutor, quen posteriormente foi trasladado a un hospital polos profesionais de Urxencias Sanitarias 061.

Ambulancia do 061. 061-GALICIA - Arquivo