O galego máis antigo descuberto nunha cova de Lugo

A datación de restos humanos en Galicia da un chimpo atrás de 7.000 anos con este importante achádego científico. Arqueólogos cataláns atopan un dente de leite, moi desgastado, de hai uns 17.000 anos, e pertencente a un neno duns 10 anos.

Por Galicia Confidencial | | 12/07/2013 | Actualizada ás 08:00

Comparte esta noticia

Persoal investigador do IPHES (Instituto Catalán de Paleoecoloxía Humana e Evolución Social) encontrou, na Cova de Valdavara (Becerreá, Lugo), un dente infantil, de hai uns 17.000 anos, que constitúe o fósil humano máis antigo descuberto ata o momento en Galicia.

Na cova de Valdavara atopouse ente de leite, moi desgastado, de hai uns 17.000 anos, e pertencente a un neno duns 10 anos. Arqueólogos do IPHES (Instituto Catalán de Paleoecoloxía Humana e Evolución Social) encontrou, na Cova de Valdavara (Becerreá, Lugo), un dente infantil, de hai uns 17.000 anos,
Na cova de Valdavara atopouse ente de leite, moi desgastado, de hai uns 17.000 anos, e pertencente a un neno duns 10 anos. Arqueólogos do IPHES (Instituto Catalán de Paleoecoloxía Humana e Evolución Social) encontrou, na Cova de Valdavara (Becerreá, Lugo), un dente infantil, de hai uns 17.000 anos,

O IPHES explica que trátase dun molar de leite cun grao de desgaste moi avanzado e pertencente a un individuo duns 10 anos de idade. É, ademais, o primeiro resto humano do Paleolítico encontrado no país.

"O dente de Valdavara sería polo menos 7.000 anos máis antigo que os restos fósiles que ata agora ocupaban esta categoría en Galicia, e que foron encontrados na Serra don Courel cunha antigüidade en torno aos 10.000 anos antes do presente", puntualiza Manuel Vaquero, investigador do IPHES e director das escavacións en Valdavara.

Segundo as datacións de que se dispoñen actualmente, realizadas polo método de Carbono 14, este dente tería unha cronoloxía de máis de 17.000 anos antes do presente, aínda que non se descarta que poida ser un pouco máis antiga. "Este mesmo ano tense previsto realizar novas datacións que permitirán establecer con máis precisión a antigüidade do fósil", anunciou Manuel Vaquero.

Rico conxunto arqueolóxico

O dente púxose ao descuberto durante escavación arqueolóxico do ano pasado, pero o achado non se fixo público até agora. Apareceu ána base do nivel 4 da Cova de Valdavara, que corresponde culturalmente ao Madaleniano antigo.

Dente do paleolítico atopado en Valdavara
Dente do paleolítico atopado en Valdavara

No mesmo nivel se recuperou un rico conxunto arqueolóxico, integrado por numerosas ferramentas elaboradas con sílex e ósos, así como elementos de ornamentación persoal, como unha serie de cunchas de Dentalium utilizadas como contas de suxeitar.

Os traballos na Cova de Valdavara iniciáronse no 2007 e enmárcanse nun proxecto de investigación conxunto da Universidade de Santiago de Compostela e o IPHES. As escavacións lévanse a cabo grazas ao apoio do Concello de Becerreá e están dirixidas por Manuel Vaquero e Susana Alonso, esta última colaboradora do IPHES.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 8 comentarios

3 Augusto Pedernales

E logo como é que se sabe que era galego? Levaba unha papeleta fósil do PP na man ou tiña restos de churrasco na dentamia?

1 galegoexiliado

Noticias sin confirmar apuntan a que podería tratarse de un pelegrín, plaga moi abundante nos nosos dias.

2 Coiro

Coma sempre teñen que vir de fóra para falarnos da nosa historia, somos tan coitadiños e preocupámonos tan pouco de estudar e conservar o noso patrimonio arqueolóxico, histórico, mítico... aquí os máis "patriotas" falan de castrexos e logo tapan o escudo milenario da nosa bandeira cunha resesa estrela vermella. Que pais!. Mágoa.

1 galegoexiliado

Supoño que queres decir que poñen na bandeira uns símbolos cristians moi posteriores a existencia de Galiza e dos galegos. Parece que o patrimonio se conservou hata hoxe, ainda que sempre virá algún animal co seu tractor ou excavadora pa botalo por terra.

1 Breogán

Sodes piores que os españois. Hai 17000 anos xa había galegos?

1 Lisgairo

Num sentido lasso si. Entendendo por Galego qualquer sujeito humano que viva ou existira no território da actual Galiza. Aliás, seria interesante analisar, se for técnicamente possível, se há continuidade genética com os actuais Galegos, com o que talvez tivera um motivo mais para ser considerado Galego. Ora bem, as tuas críticas som aceitáveis: trabalhava na deputaçom de Ourense? Isso nunca se saberá, assi que nom poderíamos considerá-lo Galego sem nengum rasto de dúvida.

2 Lisgairo

O facto de nom ter idade ainda para votar ao pp, e viver longe da costa atlântica, alonjado dos iates dos magnates do narcotráfico madeleniano leva os expertos a pór seriamente em questom a sua galeguidade, assi como claramente indica nom ter ocupado um posto d relevância no organigrama da conselharia madeleniana de unguentos e bem-estar.

3 Breogán

Entón tamén son restos de un español de hai 17000 anos, está ben. Por certo, talvez teño que deixar de considerarme galego, porque xeneticamente penso que non son puro...