A xustiza ordena vacinar contra a Covid a un ancián que se negou a recibir a dose

O auto sinala que o home "carece de capacidade natural actual para comprender o alcance da intervención médica pautada". O xulgado tamén obriga a recibir a inmunización a outra muller cuxa familia se opoñía a vacina.

Por Europa Press / Redacción | SANTIAGO DE COMPOSTELA | 20/01/2021 | Actualizada ás 17:21

Comparte esta noticia

O Xulgado de Primeira Instancia número 6 de Santiago de Compostela, especializado en Familia, ordenou en senllos autos vacinar a un usuario dunha residencia que se negou a recibir a inmunización así como a outra usuaria cuxa titora rexeitou que lle administrasen a vacina. En primeiro lugar, nun auto con data deste mesmo mércores, o xulgado ordena a subministración da vacina a un interno en centro de maiores de Santiago de Compostela que se negou a que lle inxectasen a dose.

O maxistrado considera que o consentimento informado por substitución prestado pola entidade titora Fundación Galegapara a Tutela de Adultos debe ser atendido a pesar da negativa do paciente, pois indica que "carece de capacidade natural actual para comprender o alcance da intervención médica pautada". Así, no auto sinala que da exploración xudicial do interno na residencia se constata "a total ausencia de capacidade de decisión, en particular en relación á necesidade/conveniencia de que lle sexa administrada a vacina".

Ademais, noutro auto con data do 19 de xaneiro, o Xulgado de Primeira Instancia número 6 de Santiago ordena tamén a subministración da vacina contra a COVID-19 a unha interna dunha residencia, tamén situada na capital galega, cuxa titora se negou a que lla puxesen. Neste caso, o xuíz estima a solicitude do Ministerio fiscal "no exclusivo interese da paciente". Así, sinala que a vacina "evita o risco de contraer a enfermidade e mesmo de morrer", á vez que resalta que "permitirá á paciente, unha vez alcanzada a súa inmunidade, gozar dun maior réxime de estancias e comunicación cos seus familiares e achegados".

Desta forma, segundo o maxistrado, atenuarase "a grave e continuada separación da contorna máis inmediata que padecen os maiores residentes desde marzo de 2020, con presumible menoscabo do seu benestar emocional". 

Vacinación en Santiago de Compostela / EP / Europa Press
Vacinación en Santiago de Compostela / EP / Europa Press

Ambos os casos foron comunicados pola dirección da residencia ao Xulgado o pasado día 8 de xaneiro. Precisamente, tamén un xulgado da capital galega, neste caso o de Instrución Número 2, ordenou vacinar a outra residente do centro DomusVi San Lázaro fronte á negativa da filla a que a súa nai recibise a inmunización.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta