Só oito positivos nun cribado de máis de 900 persoas en Barbadás

O cribado desenvolvido na localidade ourensá de Barbadás nos últimos días destapou sete casos positivos por proba PCR e un no test de antígenos de entre as 906 persoas analizadas.

Un total de 1.250 persoas estaban citadas a participar neste cribado, desenvolvido no pavillón municipal, ao que acudiron o 72,5% dos chamados.

En declaracións difundidas aos medios, o alcalde, Xosé Carlos Valcárcel, destaca a importancia de que este cribado demostre que "non hai bolsas ocultas" no municipio, aínda que apelou a "seguir mantendo as restricións e seguir tendo sentido común para cumprilas".

Probas de coronavirus | AGC