Por X.M. Fernández | Verín | 25/01/2021 | Actualizada ás 09:00
As máscaras, que serán entregadas o vindeiro 4 de febreiro coincidindo co xoves de compadres, está baseado na principal figura do Entroido de Verín, o Cigarrón.
"Aínda que sabemos que aos verineses e verinesas non lles fai falta, con esta iniciativa queremos contribuír, de maneira segura, a manter viva a chama do Entroido, neste caso entre os máis pequenos da casa", explicou o alcalde de Verín, Gerardo Seoane Fidalgo.
Esta iniciativa forma parte dun conxunto de accións promocionais que ten preparadas o Concello de Verín co obxectivo de manter vivo o Entroido de Verín, a festa máis mítica que caracteriza a esta vila ourensá. E que mellor xeito de empezar esta orixinal promoción do entroido que facelo lucindo o Cigarrón ao tempo que a xente se protexe de contaxios.
O deseño destas máscaras -hixiénicas e reutilizables- foi elaborado pola artista local, natural de Albarellos, Aurora López, e a fabricación das mesmas corre a cargo da empresa Nicandra. Para a súa elaboración emprégase tecido homologado pola normativa UNE0065 para filtrar e protexer ante a COVID-19.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.