Detectados tres positivos na Concellaría de Medio Ambiente da Coruña
Desde o Concello avisan que se realizarán as probas que determine o Sergas e cos traballadores desta concellaría nos seus domicilios á espera das indicacións que marquen as autoridades sanitarias.
Por E.P. | A CORUÑA | 25/01/2021 | Actualizada ás 17:04
Polo menos tres positivos por Covid-19 detectáronse na Concellaría de Medio Ambiente do Concello da Coruña, segundo confirmaron fontes municipais. Sobre a situación nesta área municipal, explicaron que se mantén pechada desde o venres e que este luns se procedeu á súa desinfección.
Agora, dixeron realizaranse as probas que determine o Sergas e cos traballadores desta concellaría nos seus domicilios á espera das indicacións que marquen as autoridades sanitarias. "Seguindo os protocolos", aseguraron as fontes municipais consultadas sobre a situación dos empregados desta área municipal.
CRIBADOS NA ÁREA CORUÑESA
Mentres, á petición de que se faga un cribado xeral efectuada polo concello de Cambre, como o realizado xa en Arteixo, sumáronse outros consistorios como os de Sada e Betanzos. Desde este municipio, a alcaldesa María Barral cualifícao de "urxente" e traslada a "preocupación crecente pola situación" dado o número de casos positivos.
Pola súa banda, Sada enviou un escrito á Consellería de Sanidade pedindo un cribado para detectar posibles casos asintomáticos e aplicar, se fose necesario, "actuacións máis eficientes en canto ao illamento e confinamento en caso de contaxios detectados", argumenta o rexedor, Benito Portela.
