Por E.P. | SANTIAGO DE COMPOSTELA | 26/01/2021 | Actualizada ás 11:14
Os prezos industriais descenderon un 1% en Galicia de media durante 2020 en comparación co ano anterior, segundo datos deste martes do Instituto Nacional de Estatística (INE).
Esta baixada é menor ao recorte de prezos industriais en España durante o ano (-1,4%). As taxas interanuais acumulan 19 meses consecutivos de diminución na comunidade galega. O descenso de prezos industriais en 2020 está protagonizado polo esborralle do 3,7% da enerxía, xa que no resto de bens increméntase.
Con todo, en decembro respecto de novembro hai un incremento do 0,9% no caso galego, que serve para moderar o retroceso anual de 2020.
DATOS ESTATAIS
Os prezos industriais subiron un 1% o pasado mes de decembro en relación ao mes anterior e moderaron a súa caída interanual ata o 1,4%, o seu menor retroceso desde xaneiro de 2020. Co recorte interanual de decembro, case un punto e medio máis moderado que o de novembro (-2,8%), os prezos industriais encadean 19 meses consecutivos de taxas negativas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.