Por E.P. | SANTIAGO DE COMPOSTELA | 27/01/2021 | Actualizada ás 13:58
Máis do 85% das afiliacións á Seguridade Social existentes a finais de decembro de 2020 en Santiago e A Coruña correspondíanse co sector servizos, segundo a información que publica este mércores o Instituto Galego de Estatística (IGE).
Este sector, o máis afectado pola crise do coronavirus debido ás medidas que limitan o contacto social para tratar de evitar os contaxios, mostra un maior peso nas sete grandes cidades e nos seus municipios limítrofes. En decembro de 2020, rexistráronse 989.946 cotizantes, un 1,5% menos que tres meses atrás (en setembro). Deles, 971.562 (o 98,1%) correspóndense con persoas cuxa residencia se atopa en Galicia.
Mentres, o 5,7% das afiliacións en alta laboral de persoas que residen na comunidade correspóndense con actividades relacionadas coa agricultura e a pesca, o 14,1% co sector industrial, o 7,4% coa construción e o 72,5% co sector servizos. Mentres, por cada 100 persoas que estean en idade de abandonar o mercado laboral contabilízanse 15 que ingresan no sistema da Seguridade Social.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.