Por Europa Press / Redacción | Santiago de Compostela | 28/01/2021 | Actualizada ás 18:58
O pleno do Concello de Santiago aprobou, cos votos a favor de Compostela Aberta, BNG e PSOE, e a abstención do PP, unha moción para incrementar as restricións aos locais e casas de apostas na cidade.
En concreto, a proposta, defendida polo edil de Compostela Aberta Xan Duro, inclúe a necesidade de impor a este tipo de establecementos "horarios de peche máis reducidos que a hostalaría" e afastalos un quilómetro en liña de centros de especial sensibilidade, como colexios.
Tamén se esixe que "non se concedan máis autorizacións para casas de apostas" e que se reforcen os plans de inspección, á vez que se destinen recursos para atallar o problema da ludopatía, unha patoloxía de adicción "crecente" e que afecta sobre todo a mozas e a persoas en situación de vulnerabilidade, denuncia CA.
A iniciativa incorporou unha emenda do BNG para levar adiante unha campaña educativa de concienciación con especial fincapé nos colexios.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.